Presidenti Vladimir Putin ka denoncuar Leninin dhe qeverinë e tij bolshevike për represion brutal si dhe ka akuzuar ish liderin sovjetik për vënien e një “bombe me sahat” kundër shtetit rus.
Kriticizmi ndaj Leninit, një figure ende të respektuar në Rusi, është në fakt mjaft i çuditshëm për Putin, i cili ka qenë përherë i kujdesshëm që të mos sulmojë figurat e vjetra komuniste.
Por kësaj here gjithçka ka qenë ndryshe, teksa Putin në vlerësimin e rolit të Leninit në historinë e rusisë ka folur ashpër. Ai denoncoi Leninin për ekzekutimin barbar të Carit të fundit rus dhe gjithë familjes së tij, për eleminimin e mijërave priftërinjve. Putin fokusin e akuzave të tij e ka patur në lidhje me atë që ai e cilësoi si një bobmbë me sahat ndaj rusisë, kur tha se Lenini lejoi vizatimin e kufinjve administrativë përmes linjave etnike.
Putin u tregua i ashpër për konceptin e Leninit për një shtet federativ, ku entitetet e tij do të kishin të drejtën për tu shkëputur nga BS. Kjo sipas Putin solli dhe shkëputjen e madhe të vitit 1991. Putin shtoi se Lenini ishte i gabuar në kritikat e tij ndaj Stalinit, i cili mbështeste modelin e shtetit unitar.
