Gjatë orëve të fundit lufta në Ukrainë ka përshkallëzuar pasi Rusia ka ashpërsuar sulmet. Kjo sisutatë ka tensionuar edhe raportet e Rusisë me shtetet e tjera.
Së fundmi, ka qenë zv.kryeministri i Moldavisë, Nicu Popscu, i cili pak më herët në një postim në “tëitter” ka bërë me dije se tre raketa ruse të lëshuara në drejtim të Ukrainës kanë kaluar pikërisht mbi territorin e Moldavisë.
Ai e dënoi këtë akt, teksa shtoi se ka thirrur për sqarime ambasadorin rus në Moldavi.
“Tre raketa të lëshuara në Ukrainë këtë mëngjes nga anijet ruse në Detin e Zi kaluan hapësirën ajrore të Moldavisë. Kam kërkuar që të thirret ambasadori i Rusisë për të dhënë një shpjegim”, shkruan ai.
Kujtojmë se mëngjesin e sotëm Kievi u zgjua nga sirenat e luftës pasi bombardimet e njëpasnjëshme filluan pas disa muajsh qetësie.
Kryetari i bashkisë së Kievit Vitalii Klitchko raportoi për shpërthime në lagjen Shevçenko të qytetit, një zonë e madhe në qendër të Kievit që përfshin qytetin e vjetër historik si dhe disa zyra qeveritare.
Luftimet e fundit janë fokusuar në rajonet në veri të Krimesë, duke përfshirë Zaporizhzhia, ku gjashtë raketa u lëshuan gjatë fundjavës, ku u shënuan 17 viktima.
Raportet tensionohen pas një shpërthimi në urën e vetme që lidhur Rusinë dhe Krimenë të shtunën, të cilin presidenti Vladimir Putin e cilësoi akt terrorist./m.j
