Presidenti i Rusisë Vladimir Putin mund të jetë duke krijuar ushtrinë e tij ‘personale’ pas dhunës dhe ngritjes së tensioneve në vend. Kështu mendojnë analistët të cilët thonë se po ndodh një rirregullim i shërbimeve të sigurisë në vend.
Urdhrat ekzekutiv të publikuar këtë muaj nga Kremlini propozuar krijimin e një Garde të re Kombëtare, e cila do të udhëhiqet nga ish-roja i Putinit, Viktor Zolotov, dhe i cili do t’i raportojë drejtpërdrejtë Presidentit.
Garda do të tërheq trupa nga Ministria e Brendshme dhe është përshkruar mga mediat ruse si riorganizimi më i madh i shërbimeve të sigurisë në vend.
Sipas Kremlinit Garda do të shërbejë kryesisht si pjesë e forcës kundër terrorizmit dhe ka qëllim sigurinë kombëtare publike, ruajtjen e institucioneve shtetërore dhe mbrojtjen e kufijve shtetëroë.
Profesori në Universitetin e New York dhe eksperti rus Mark Galeotti, thotë se Garda mund të shërbejë si mjet kontrolli i popullit nga ana e Putin.
“Kjo mund të mos jetë një forcë për të mbajtur masën nën kontroll, por edhe elitën gjithashtu, thekson ai.
‘Garda do të jetë në varësi të plotë të Qeverisë pa asnjë ministër në mes. Me Zolotov në krye kjo është edhe më personale’, shton ai.
Otilia Dhand, zëvendëspresidente në Teneo Intelligence, tha për CNBC se riogranizimi ‘reflekton mendimet e Qeverisë për rreziqet e sigurisë’.
“Kjo shfaq shqetësimin e Putin për gjendjen e sigurisë së brendshme për shkak të rrezikut nga demonstratat për shkak të mos pagesës së pagave dhe rritjes dhe çmimeve dhe rreziku i terrorizmit në Kaukaz’, thekson ajo./Express/a.m.