Rusia ka ndaluar hyrjen në vend të 54 shtetasve britanikë dhe personave që punojnë për organizatat e Mbretërisë së Bashkuar në shenjë hakmarrje për sanksionet e Mbretërisë së Bashkuar ndaj qytetarëve të saj, ka deklaruar ministria e saj e jashtme.
Lista përfshin Sekretaren e Kulturës Lucy Frazer dhe kryeprokurorin e Gjykatës Penale Ndërkombëtare Karim Khan, teksa një numër gazetarësh nga BBC, Daily Telegraph dhe Guardian janë gjithashtu në listë.
Ministria e Jashtme ruse tha se masa ishte në përgjigje të “zbatimit agresiv nga Londra të një kursi armiqësor anti-rus”.
Frazer u sanksionua për “lobim aktiv për izolimin sportiv ndërkombëtar të Rusisë”, ndërsa Ministrja e Shtetit për Mbrojtjen Annabel Goldie u përshkrua si “përgjegjëse për furnizimin me armë në Ukrainë”.
Në mars, Gjykata Penale Ndërkombëtare lëshoi një urdhër arresti për presidentin rus Vladimir Putin , duke e akuzuar atë për krimin e luftës të dëbimit të paligjshëm të fëmijëve nga Ukraina, të cilin Moska e mohon./m.j
