Ligji ushtarak në 4 rajonet e Ukrainës Kherson, Zaporizhzhia, Donetsk dhe Luhansk që Moska pretendon se i ka aneksuar do të hyjë në fuqi ditën e nesërme sipas dekretit të publikuar nga shtypi i Kremlinit sot, i cili u nënshkrua nga Presidenti rus Vladimir Putin.
Aneksimet e këtyre 4 rajoneve të Ukrainës janë kundërshtuar nga vendet perëndimore, të cilat sipas tyre shkelin ligjin ndërkombëtar dhe kanë deklaruar se nuk do t’i njohin ato si territor rus.
“Marr vendim që të vendos ligjin ushtarak më 20 Tetor 2022 nga 00:00 në territoret e Republikës Popullore të Donetsk, Republikës Popullore të Luhansk, rajoneve Zaporizhzhia dhe Kherson,” thuhet në dekretin e firmosur nga Presidenti rus Vladimir Putin.
Viktor Vodolatsky, deputeti i Dumës së Shtetit Rus, tha për median shtetërore ruse TASS se futja e ligjit ushtarak nënkupton forcimin e punës së të gjitha shërbimeve të sigurisë dhe zbatimit të ligjit./m.j
