Presidenti Rus Vladimir Putin ka bërë elozhe ndaj kandidatit republikan Donald Trump, duke e cilësuar miliarderin si “liderin absolut të garës për Presidencë e 2016”.
Gjatë një konference që zgjati rreth 3 orë ku u diskutuan shumë çështje të politikës ndërkombëtare, medias i ka bërë përshtypje konsiderata e Putin për Trump. Putin tha se e mirëpret dhe e mbështet plotësisht idenë e Trump se SHBA duhet ta çojë në një nivel tjetër bashkëpunimin me Rusinë.
“Ai(Trump) është një njeri shumë i gjallë, i talentuar, pas asnjë pikë dyshimi. Ai thotë se dëshiron që të çojë relatat mes SHBA e Rusisë në një tjetër nivel, më afër dhe më thellë… Si mund të mos e mirëpres këtë? Sigurisht që e mirëpres një deklaratë të tillë!” ka thënë Putin.
