Në një kohë që sezoni turistik vijon, gjithnjë e më tepër në bregdetin shqiptar po shfaqen foto të peshkaqenëve të kapur fare pranë bregut. Fotot e fundit që qarkullojnë në rrjete sociale dëshmojnë se një peshkaqen është kapur në Jalë.
Peshku i rrezikshëm rreth 1 metër është kapur nga peshkatarët, ndërsa pushuesit janë treguar kureshtarë ta shohin nga afër. Por ndërsa ekspozohen fotot e Jalës me peshkaqenin, një tjetër vjen nga Durrësi ku një pushues fotografohet me një bebe peshkaqen.
Tashmë mund të thuhet lirisht se peshkaqeni është një specie që jeton edhe në ujrat shqiptare të detit Jon dhe Adriatik sepse mbi dhjetra raste janë regjistruar nga Lezha e deri ne Jalë kur janë parë apo kapur peshkaqenë të llojeve të ndryshme.
