• Kontakt
  • Kreu
  • Rreth Nesh
Monday, November 9, 2026
  • Login
Javanews
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi
No Result
View All Result
Javanews
Home Kryesoret

“Pushtimi“ shqiptar që ka shqetësuar politikën britanike

by Bajram Peçi
03/11/2022 18:30
Shperndaj ne FacebookShperndaj ne Twitter

Nga Bajram Peçi

Merreni me sportivitet ju shqiptarë fyerjen e politikanes Suella Braverman si dhe disa të tjerëve para dhe pas saj! Braverman ishte zanafilla e përdorimit të shprehjes “pushtim“. Retorika në gojën e zonjës tingëllonte si ankesë, frikë medemek dhe jepte për opinionin alarmin se Mbretëria e Bashkuar ndodhet e kërcënuar nga një popull tjetër, që, ruajna Zot, ska ngjarë që nga koha kur vikingët e përdhosën një copë të madhe të ishullit më shumë se 10 shekuj më parë!

Nuk është e re për ne shqiptarët të dëgjojmë shprehje diskriminuese e raciste nga politika në ngërç e Britanisë. Në prag të referendumit për daljen nga BE, ndër argumentet konservatore britanike të fushatës, që u njoh si Brexit, ministri i jashtëm i atyre ditëve, mes të tjerash, merrte e përdorte keqazi edhe Shqipërinë-kandidate, me të cilët britanikët nuk do të donin të ishin në një bashkësi politiko-ekonomike dhe me shqiptarët emigrantë, refugjatë, që vijnë nga krimi, të cilët janë ashtu e kështu…! Sa ndikuan këto broçkullitje te pensionistët konservatorë e prag mosha e tretë, që të fitonte Brexit, mbetet një e panjohur, por njerëzit me mend në kokë nuk kishin pse binin viktima të politikës së ditës, ndërkohë që ata jetonin në një mjedis ku afërsisht gjysmën e popullsisë e përbëjnë afrikanë dhe aziatikë.

Afërmendsh që shumica e këtyre shqiptarëve, që kalojnë kanalin me gomone, janë emigrantë, që do kërkojnë punë ku fitohet më shumë se në fshatin e tyre në Has, në Kukës, në Lumë e në Krumë. Kundrejt pagesës te organizatorët dhe pronarët e mjeteve, anglezë, francezë, belgë apo flamandë qofshin, rrezikojnë jetën, por sidomos financat e familjes, duke rënë në borxh. Disa prej tyre bien në grackën e trafikantëve dhe pa ndërgjegje, por me etjen për fitime të shpejta, nuk përjashtohet mundësisa të bien në botën e krimit, ku më së shumti kuptohet kultivimi i kanabis sativa. Dhe, nëse zotërit e kultivimit dhe tregtimit të kësaj droge gjejnë terren të favorshëm, shkaku janë jo më pak britanikët me organet e tyre të kontrollit të territorit.

Shqipëria është e njihet si një vend i sigurtë, por kjo nuk do të thotë se ajo u jep shtetasve të saj mundësinë ekonomike të jetesës së sigurtë. Ka varfëri e do ketë edhe vite më tej, sepse Ballkani, por Shqipëria veçanërisht, kanë kaluar nëpërmes një historie të dhimbëshme, sunduar prej perandorive feudale e përfunduar në komunizëm e anarki kapitaliste. Britanikët që lindin sot e gjejnë atdheun e tyre me bangat më fuqishme në botë, me pasuri të vënë prej qindra vjetësh, me jetesë në një demokraci të zhvilluar. Madhështia e Mbretërisë së Bashkuar fillon nga pushtimet e vëndeve të tjera dhe tregtimi i skllevërve. Britanikët janë prej shekujsh të familjarizuar me termin “pushtim“. Pasuria e zhvillimi krijoi kushte të lindjes së makinerive dhe rritjes së prodhimit e rendimentit përmes industrisë, që lindi e përsosi skllavërinë moderne, shfrytëzimin e popujve të tjerë. Hidhini një sy hartës politike të kontinentit Afrikan dhe do shihni se shumë nga shtetet e saj ngjajnë si katërkëndësha-kënddrejtë. Ka ngjarë kështu sepse kështu u vendos në Berlin në 1870-tën, Afrika u nda me vizore.

Falë pushtimeve Britania ka qenë perandoria më e madhe që ka egzistuar ndonjëherë. Industrializimi, nisur e zhvilluar nga Anglia, kërkonte lëndë të para, kish nevojë për tregje. Europianët e krishterë, për pushtimin e Afrikës, Indisë e Birmanisë, gjetën dhe justifikimin. Ajo ishte teoria “Mbi origjinën e specieve” e Charles Darvin. Kur ju desh puna, ndonëse besimi i tyre nuk e pranonte teorinë, përzgjedhjen natyrore, mbijetesa e më të fortit, e më të diturit, e më të zhvilluarit, seleksionimi, e paraqitën pushtimin e vëndeve të tjera si një ligj natyror.

Interesat ekonomike të pushtimeve britanike, franceze, spanjolle, portugeze, hollandeze e belge, përpos lëndëve të para në vëndet e pushtuara, çonin kapitalin e tepërt për investime me fuqi punëtore të lirë. “Pushtuesit“ shqiptarë s`kanë çfarë kapitalesh çojnë e investimesh bëjnë në Britaninë e “pushtuar“, përpos se nga puna e tyre, e ligjëshme apo në të zezë, t`u dërgojnë familjeve të tyre ndonjë kursim të mundshëm.

Interesat perandorake britanike, për të siguruar sundimin, e kërkonin që në vëndet e pushtuara të çonin trupa të armatosura, anije ushtarake, makinerinë e njohur të sundimtarit. “Pushtuesit“ shqiptarë nuk kanë të tilla mjete. Armët e tyre të vetme janë krahët si fuqi punëtore.

Koncepti perandorak europian, ku shquajnë ai i Mbretërisë së Bashkuar dhe Francës, ka qenë (dhe mesa duket, vazhdon të jetë) raca e tyre superiore mbi joeuropianët. Nëse çjerrjet diskriminuese të disa politikanëve britanikë na trajtojnë si joeuropianë, i jap të drejtë Leka Zogut, që në polemikën me analisten e djathtë, Sophie Corcoran, i gjegjet se “…integrimi i shqiptarëve në Mbretërinë e Bashkuar është një përmirësim për shoqërinë tuaj!“

Next Post
Tre shenjat e Horoskopit që në nëntor nuk do të kenë aspak fat në dashuri

Tre shenjat e Horoskopit që në nëntor nuk do të kenë aspak fat në dashuri

Comments 1

  1. Jovan Kadiqi says:
    4 years ago

    Te lumte koka,zemra dhe patriotizmi o mik i dashur

    Reply

Leave a Reply Cancel reply

Your email address will not be published. Required fields are marked *

TË FUNDIT

Kancelari Merz shpall Ilse Aigner si kandidate për presidente federale: Me të Gjermania fiton vlerë, karizëm, sharm dhe zemër!

Kancelari Merz shpall Ilse Aigner si kandidate për presidente federale: Me të Gjermania fiton vlerë, karizëm, sharm dhe zemër!

November 9, 2026
Begaj dhe Mattarella presin kryetarët e komunave arbëreshe në Quirinale: Arbëreshët, themeli i vëllazërisë shqiptaro-italiane

Begaj dhe Mattarella presin kryetarët e komunave arbëreshe në Quirinale: Arbëreshët, themeli i vëllazërisë shqiptaro-italiane

November 9, 2026
Hapet në Makao forumi ndërkombëtar për shkëmbimet dhe mësimin e ndërsjellë mes qytetërimeve 2026

Hapet në Makao forumi ndërkombëtar për shkëmbimet dhe mësimin e ndërsjellë mes qytetërimeve 2026

November 9, 2026
U shpall fajtor për akuzat e abuzimit seksual, aktori britanik Russell Brand dënohet me 10,5 vite burgim!

U shpall fajtor për akuzat e abuzimit seksual, aktori britanik Russell Brand dënohet me 10,5 vite burgim!

November 9, 2026
Media britanike: Ministrja Diella, projekt i përbashkët i Ramës dhe Tony Blair

Ankimuan ministren “Diella”, Gjykata Kushtetuese rrëzon kërkesën e 39 deputetëve të Opozitës! PD kërkoi shfuqizimin e dekreteve

November 9, 2026
Bisedimet në Abu Dhabi, Rusia: Çështjet e sigurisë janë në fokus, e mirëpresim qëndrimin e SHBA-ve!

Bisedimet në Abu Dhabi, Rusia: Çështjet e sigurisë janë në fokus, e mirëpresim qëndrimin e SHBA-ve!

November 9, 2026
Buxheti 2027 nuk ndryshon, PD: Ekonomia në rënie! Ibrahimaj: E shihni gotën gjysmë bosh!

Buxheti 2027 nuk ndryshon, PD: Ekonomia në rënie! Ibrahimaj: E shihni gotën gjysmë bosh!

November 9, 2026
Nis faza e dytë e Reformës Territoriale, Mazniku pas bojkotit të opozitës në Komision: Ftesa për PD-në është e hapur, t’i bashkohet procesit!

Nis faza e dytë e Reformës Territoriale, Mazniku pas bojkotit të opozitës në Komision: Ftesa për PD-në është e hapur, t’i bashkohet procesit!

November 9, 2026
Megatek, koha për të përfituar nga Gift Card! Bli më lirë deri më 22 nëntor!

Megatek, koha për të përfituar nga Gift Card! Bli më lirë deri më 22 nëntor!

November 9, 2026
Faza e dytë e Territoriales, PS shton në Komision deputetë të Doshit dhe Shehajt, mbeten jashtë Lapaj e Qorri!

Faza e dytë e Territoriales, PS shton në Komision deputetë të Doshit dhe Shehajt, mbeten jashtë Lapaj e Qorri!

November 9, 2026
  • Adresa: Rruga “Mihal Popi”, Pallatet 1 Maji, Shkalla 26, Apartamenti 5, Tiranë
  • Email: javanews.al@gmail.com
  • Kontakt
  • Kreu
  • Rreth Nesh

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

No Result
View All Result
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In