Ai përsëriti atë që tha drejtoresha e vet në konferencën për shtyp, se Donald Lu i kishte kërkuar mbylljen e hetimeve për kompaninë “Bankers”.
Kur u pyet nga gazetari Blendi Fevziu se çfarë ndodhi më pas, Llalla e pranoi se hetimet u mbyllën.
Por, tani që ambasadori amerikan e përmendi me emër si personi që po pengon reformën në drejtësi, Llalla tha se do të kërkojë rihapjen e çështjes.
Ndoshta Llalla nuk e kupton, se gjatë intervistës u pa qartë që ishte në vështirësi, por me këtë që ka pohuar me gojën e vet, ai ka shkelur ligjin.
Vetëm për këtë fakt ai duhet të shkarkohet, pse jo dhe të arrestohet, pasi nëse është siç thotë vetë, me këtë akt ka favorizuar me qëllim një biznes. /tema/b.d
