Në vitin 2024, 69.2% e shqiptarëve janë treguar patriotë sa i përket pushimeve pasi kane zgjedhur si destinacion Shqipërinë përgjatë vitit të shkuar sipas të dhënave të INSTAT.
Me konkretisht për udhëtime për qëllime personale, pra për pushime brenda vendit janë regjistruar 3 milionë udhëtime që kanë patur të preferuar si destinacion atdheun e tyre nga veriu në jug.
Të ndara sipas destinacioneve apo rajoneve të vendit, në vitin 2024 Qarku Tiranë rezultoi me peshën kryesore të vizitorëve vendas me 15,4%, ndjekur nga Vlora me 12,3%, me 10% Korça dhe Durrësi me 8,6% sipas INSTAT.
Ndërsa vlerat më të larta të netëqëndrimeve janë regjistruar në muajt gusht, korrik, dhjetor dhe qershor të vitit të shkuar.
Ndërsa rreth 1.4 milionë udhëtime të shqiptarëve jashtë vendit për pushime apo qëllime profesionale gjatë vitit 2024 kanë qenë Itali 8,6%, Greqia 7,4%, me 3.8% Gjermania dhe me 3% Anglia dhe Franca.
Në publikimin vjetor të INSTAT nënvizohet se përqëndrimet më të larta të udhëtimeve të kryera jashtë vendit në 2024 janë regjistruar në muajt gusht dhe dhjetor.
