Futbollisti portugez, Cristiano Ronaldo dhe gruaja e tij, Georgina Rodríguez, së bashku me pesë fëmijët e tyre, kanë zgjedhur një pronë luksoze rurale, rrëzë “Serra de Tramuntana’ për të kaluar dhjetë ditë pushime.
Familja, e cila mbërriti në Mallorca pasditen e së martës me avionin privat, do të mund të shijojë të gjitha llojet e luksit gjatë qëndrimit në vilën e pabesueshme, ku edhe futbollisti Sergio Ramos e Pilar Rubio kaluan verën me fëmijët e tyre para pak vitesh.
Ferma, e rrethuar me vreshta dhe pemë të të gjitha llojeve, ka një kishëz brenda dhe thuhet se nën të është ndërtuar një “dhomë erotike”. Po ashtu, kjo pronë ka një palestër spektakolare, një pishinë të rrethuar nga palmat, xhakuzi të ndryshëm, një fushë shumësportëshe për të luajtur futboll, basketboll, hendboll etj., si dhe një fushë rëre për të luajtur volejboll plazhi.
Për qëndrimin në ishull, Cristiano Ronaldos ia sollën dy nga automjetet e tij në Mallorca me anije nga Valencia: një “Bugatti Centodieci” me vlerë 8 milionë euro dhe një “Mercedes” mbresëlënës.
Dje në mesditë, familja mori varkën e saj, u ankorua në “Port Adriano” dhe u nis drejt ujërave të “Cala Egos”, në Andratx, për të shijuar një ditë relaksuese, ku Cristiano u shfaq i kënaqur me familjen e tij (e tregojnë fotot e hedhura në rrjetet sociale).
/a.r
