Blogerja Armina Mevlani ka mohuar lajmet se ka shkuar për pushime në Dubai. Sot, në rrjetet e saj sociale, Mevlani tha se lajmi se ajo po pushon në një kohë kur qytetarët nesër dalin në protestë për rritjen e çmimeve është i pavërtetë. Në reagimin e saj, ajo shpjegoi se e nuk ka bërë udhëtime, duke mbështetur plotësisht protestën.
“Po mirë, turp nuk keni që gënjeni? Media paçavure që hani bukë vetëm mbi gënjestra tërë jetën? Nuk po gjeni lajme dhe e mbushni me mashtrime? Dhe për më tepër vendosni foto të njerëzve të tjerë duke thënë që jam unë?,”– shkruan blogerja Armina Mevlani në një story në Instagram.
Blogerja është e fejuara e djalit të ish-kryeministrit Sali Berisha, Shkëlzenit. Lideri historik i PD-së është shprehur publikisht se i mbështet protestat, por është distancuar nga organizimi i tyre.
per kete arsye ka reaguar bashkejetuesi i saj Shkëlzen Berisha, i cili deklaron në media se fotot e Arminës janë publikuar për të tërhequr vëmendjen nga protesta e nesërme.
Shkelzeni madje shkruan se ajo mbështet protestën dhe do jetë nesër në shesh.
“Të trembur nga protestat qytetare kundër rritjes së çmimeve, Rama dhe shpura e tij tentojnë që të shpërqendrojnë opinionin publik, duke fabrikuar lajme.
Një i tillë është edhe ai që blogerja Armina Mevlani ka ikur me pushime në Dubai.
Mediat që kontrollohen dhe paguhen nga Rama, si Tema, Java, Lexo dhe ndonjë tjetër, kanë publikuar këtë lajm, që duket qartësisht se është shkruar nga e njëjta dorë.
Sigurisht që lajmi është i pavërtetë dhe është bërë veç për të goditur protestën e nesërme.
Si rrallë herë në lidhje me shkrimet ndaj saj, sot blogerja Armina Mevlani ka reaguar duke e quajtur gënjeshtër lajmin dhe se nuk ka bërë udhëtime, duke mbështetur plotësisht protestën”, shkruan djali i ish kryeministrit!/m.j
