Një 65-vjeçar është gjetur i pajetë pasditen e sotme në Vlorë.
Mësohet se Ylli Luçi është konstatuar i vrarë me dy plumba në trup.
Viktima punonte si roje në rrugën e re që po ndërtohet në fshatin Kuç. Pikërisht në këtë vend edhe është konstatuar nga kalimtarët.
Policia ka mbërritur në vendin e ngjarjes dhe ka nisur hetime për krimin e rëndë.
Informacion paraprak:
Më datë 31.05.2020, midis fshatrave Kuç dhe Qeparo, Himarë, në një zonë të pyllëzuar, është gjetur i pajetë shtetasi Y. L., 65 vjeç, banues në fshatin Kuç, i cili punonte si roje në rrugën e re që po ndërtohet në fshatin Kuç, Himarë.
Menjëherë në vendngjarje kanë shkuar shërbimet e Komisatiatit të Policisë Himarë ku paraprakisht dyshohet se shtetasi Y.L, në rrethana ende të paqarta ka humbur jetën si pasojë e përdorimit të armës së zjarrit.
Shërbimet e policisë po krehin zonës si dhe po vijon shoqërimi i personave që mund të kenë dijeni për ngjarjen
Grupi hetimor i përbërë nga specialistë të Hetimit të Krimit në Komisariatin e Policisë Himarë dhe specialistë të Krimeve të Rënda të Drejtorisë Vendore të Policisë Vlorë nën drejtimin e Prokurorisë së Rrethit Vlorë, po vijon punën për zbardhjen e rrethanave të ngjarjes.
