Për shkak se të afërm të punonjësve të Bibliotekës të qytetit të Fierit kanë rezultuar pozitive me COVID-19, ky institucion tashmë është mbyllur.
Mësohet se simptoma ka shfaqur edhe njëra prej punonjësve e cila është konfirmuar tashmë pozitive, në 7 rastet që i shtohen Fierit këtë të enjte.
Bëhet me dije se u është marre tamponi të gjithë rasteve të tjerë të dyshuar dhe pritet përgjigjja nga ana e institucioneve shëndetësore, ndërsa tashmë janë vetëkarantinuar.
Gjithashtu nga ana e epidemiologëve në Fier janë duke u hetuar rastet e kontaktit me persona të tjerë, ndërsa është duke u monitoruar gjendja e tyre shëndetësore në banesa dhe spitalet COVID në Tiranë.
/e.rr
