Karafil Bregu, me detyrë inxhinier pyjesh në Berat është lënë në burg për 30 ditë nga Gjykata e Beratit. Mësohet se vendimi u mor sot, gjatë seancës së zhvilluar në Gjykatën e Beratit, disa orë pasi Bregu u vu në pranga.
Gjatë seancës, Bregu nuk ka folur, ndërkohë avokati i tij e ka mbrojtur. Ky i fundit mësohet të jetë shprehur se Bregu nuk ka qenë atë ditë në punë, kur punonjësi i Bashkisë ra nga pema dhe humbi jetën tragjikisht. Ai shton se Bregu ka pasur shenja të Covid-it dhe se për këtë arsye ka qëndruar në shtëpi.
“Nuk ka qenë në punë atë ditë. Ai ka qëndruar në shtëpi sepse ka pasur shenja të Covid-19. Dyshonte se ishte i infektuar. Bregu s’duhet të lëvizte, por prokurori ka kërkuar burg,”- mësohet të ketë thënë avokati gjatë seancës.
Karafil Bregu u arrestua paraditen e sotme. Ai akuzohet se nuk mori masat për mbrojtjen e ejtës së punëtorit, që humbi jetën tragjikisht. Punëtori i bashkisë, Shkëlqim Metkaj, 46 vjeç, humbi jetën pasi po priste një lis. Metkaj ra në bregun e Osumit, nga një lartësi e konsiderueshme. Skena e rëndë u pa nga kalimtarë të shumtë që ndodheshin në vendin e ngjarjes.
g.kosovari
