Operatori i Shpërndarjes së Energjisë Elektrike (OSHEE) ka njoftuar se sonte në mesnatë dhe në orët e para të mëngjesit do të ketë ndërprerje të energjisë elektrike në disa zona të kryeqytetit.
Ndërprerjet, do të bëhen për shkak të investimit për fuqizimin e Nënstacionit Traktora 110 Kv. Kështu, sipas OSHEE nesër nga ora 00:00-00:15’ dhe nga ora 05:45’ deri ne orën 06:00’ do të mbeten pa tension fiderat 6 Kv, që mbulojnë zonat e mëposhtme:
Kodra e Metallve, Farkë, Qytet Studenti, Shkoza (pjesërisht), Kodra dhe rruga e “Kokonozëve”,ish-Parku Komunal, pallatet pranë Oxhakut te Shkolla e Bashkuar, Porcelani, Rr. “Pasho Hysi”, Kryegjyshata, Poligrafiku, Burgu 325, Uzina Traktorit, Arkivi, Shkozë 2, Instrumentali, Reparti 8802, Uzina Gjeologjike, Privat/ UPNA,
Firma “Sina 98”, pranë Depos së Ujit, Senatoriumi, Kodra e Priftit, Vilat Qeveritare në Dajt, Garda dhe rr. “Todi Shkurti”.
a.ç
