Vdekja tragjike e një punëtori ndërtimi 47-vjeçar nga Bosnje Hercegovina ditën e djeshme në Tiranë ka çuar në hetime ndaj përfaqësuesve të kompanisë ndërtuese që e kishte punësuar.
Policia e Tiranës njoftoi sot (1 qershor) se ka arrestuar inxhinierin e firmës, shtetasin D. H., 32 vjeç, ndërsa janë shpallur në kërkim administratori i kompanisë, E. K., 34 vjeç, dhe drejtuesi teknik, R. J., 75 vjeç.
ProfitSence Logo
Sipas hetimeve paraprake, tre të dyshuarit akuzohen për shkelje të rregullave të sigurisë në punë, çka ka sjellë rënien nga lartësia të punëtorit V. N., 47 vjeç, duke i shkaktuar atij vdekjen.
Ngjarja ndodhi në rrugën “Brigada VIII”, në një pallat në ndërtim në kryeqytet, ku viktima ishte i punësuar. Pas aksidentit tragjik, grupi hetimor në bashkëpunim me Prokurorinë e Tiranës vijon hetimet për zbardhjen e plotë të rrethanave dhe për kapjen e personave të shpallur në kërkim.
