Policia e Tiranës ka proceduar penalisht një 24-vjeçar, pronar i një Call Centeri në kryeqytet. Sipas njoftimit të uniformave blu, bëhet fjalë për shtetasin me inicialet T.H., i cili është kallëzuar nga disa punonjës të tij që nuk i kishte paguar.
Pas verifikimeve të kryera nga policia, jo vetëm që personat në fjalë nuk ishin paguar, por ata ishin punësuar pa kontrata të rregullta pune.
Tashmë pronari i call Center do të përballet me akuzën e evazionit fiskal.
Ai mashtronte punonjësit me pretendimin se do t’u jepte pagat muajin e ardhshëm, skemë e ndjekur kjo me shumë persona, derisa u denoncua nga 6 shtetas.
