E ngarkuara me punë e Ambasadës së SHBA në Tiranë Leyla Moses-Ones u shpreh se ambasada ka punuar me shkollat në projektin për parandalimin e ekstremizmit të dhunshëm.
Ajo tha se ambasada ka gjetur mbështetjen e qeverisë shqiptare, organizatave fetare dhe civile në drejtim të parandalimit të dhunës dhe terrorizmit.
“Gjatë programit pilot në shkolla, është rritur ndërgjegjësimi për të shmangur ekstremizmin e dhunshëm. Projekti i parë kundër ekstremizmit u mbajt në Shtëpinë e Bardhë në vitin 2015, ndërsa më vonë një samit për këtë temë u mbajt në Tiranë. Liderët politikë shqiptarë dhe në Ballkan vunë në dukje se ekstremizmi dhe terrorizmi duhet luftuar.
Shkolla si një qendër komunitare ka shërbyer për të promovuar paqen dhe jo dhunën. Strategjia ka bërë që edhe aktorët vendas të ndërgjegjësohen për të trajtuar këtë fenomen. Të gjithë aktorët e kuptojnë se parandalimi i ekstremizmit ka një rëndësi të jashtëzakonshme. Në këtë projekt kanë marrë pjesë qytetarë, por edhe organizata fetare. Këto projekte ndihmojnë qytetarët që të mos priren nga dhuna.”, deklaroi e ngarkuara me punë e Ambasadës së SHBA në Tiranë Leyla Moses-Ones.
Moses-Ones foli në shqip, ku deklaroi se për të luftuar ekstremizmin duhet të bashkëpunojnë të gjithë aktorët socialë duke cituar edhe një shprehje në gjuhën shqipe “Punë e mirë me shokë shumë”.
“Duhet bashkëpunim mes të gjithë aktorëve socialë. Si thotë një shprehje e vjetër punë e mirë me shokë shumë. Qytetarët tani e kuptojnë se mund të kenë një ndikim pozitivë në komunitetin e tyre. Ne do vazhdojmë të mbështesim luftës kundër ekstremizmit të dhunshëm. Ne po ju ndihmojnë për fuqizimin e grave dhe të rinjve. Ne i mbetemi të përkushtuar ndaj partneritetit tonë me Shqipërinë që ofrojnë mundësinë shqiptarëve për të kontribuar për të mirën e përbashkët. Të gjithë ju mund të bëni ndryshimin. Faleminderit dhe dijeni se ne qëndrojmë krah jush për të trajtuar këtë çështje kaq të rëndësishme”, u shpreh Moses-Ones.
g.kosovari
