Kreu i PD-së Sali Berisha, i pyetur nëse do të kthehet sërish kompania zvicerane për të prodhuar pullat fiskale, tha se po e ndjekin këtë çështje.
Ai theksoi se SICPA prodhonte pulla smart, të cilat me detektorë zbulonin çdo kontrabandë.
Por, ish-kryeministri shtoi se tashmë prodhimi i tyre i është besuar ndërmarrjes së printimit të letrave më vlerë. Kjo sipas tij i ka hapur dyert kontrabandës.
Pyetja: Pullat fiskale janë prodhuar nga një koncesionar dhënë nga qeveria juaj. Më pas përfundoi dhe nuk u rivonua. Tashmë duket se ka një PPP ku kompania SICPA duket se rikthehet sërish, por me disa pirueta të pronësisë nga Zvrica ka kaluar në MB. Ka ndonjë informacion PD cfarë po ndodh me pullat fiskale?
Berisha: Po e ndjek me interes. Pullat fiskale të kompanisë zvicerane kanë qenë pulla smart dhe ato me detektorë zbulonin çdo kontrabandë. Kanë qenë pulla ke kod, smart.
Këta për ti hapur dyert kontrabandës e morën dhe ia dhanë ndërmarrjes së printimit të letrave me vlerë, duke hequr çdo garanci që kishin.
Kam dijeni se po tentohet të rikthehet me një emër tjetër, por jemi në dijeni të këtyre zhvillimeve. Unë shpalla çmimet dhe çmimet nuk ndryshojnë sepse janë çmimi të BE-së.
