Edhe pse opozita do të zhvillojë nesër një protestë pa lejen e policisë, mazhoranca duket se nuk i trembet këtij fakti.
Partia Socialiste ka konfirmuar sot orën 10:00 të së martës për zhvillimin e seancës plenare.
Lajmi bëhet i ditur nga burime brenda PS, ndërsa njoftimi u është bërë deputetëve përmes telefonit.
Një ditë më parë policia refuzoi t’i garantojë leje për tubim opozitës me arsyetimin se aktet e dhunës rrezikojnë jetën e ligjvënësve.
Por sot, duket se mazhoranca nuk ka dashur ta mbajë sekret orën e seancës së 5 Marsit.
/a.rada
