Publikohet fotoja e të riut shqiptar që humbi jetën aksidentalisht në Itali teksa drejtonte një motor. Bëhet fjalë për Agron Dajlanaj, 29 vjeç, i cili punonte dhe jetonte prej kohësh në vendin fqinj.
Mediat italiane raportojnë se përplasja ishte aq e fortë sa skuteri me të cilin ai udhëtonte, u nda në gjysmë, njëra pjesë në anë të rrugës dhe tjetra në anën tjetër. Aksidenti i tmerrshëm, i cili ndodhi midis Prato dhe Campi Bisenzio, i mori jetën një 29 vjeçari me origjinë shqiptare.
Mediat italiane shkruajnë se ngjarja ka shkaktuar tronditje të thellë tek familjarët, përfshirë të ëmën dhe bashkëshorten, të cilëve u është dhënë ndihmë mjekësore në spital. Nga ngjarja, mbetën të plagosur edhe 8 persona, midis 16 dhe 49 vjeç, të shpëtuar nga ambulancat.
/a.r
