Report Tv sjell foton e Besmir Karajt, autorit që doli gjallë Menduh Kurtdedën në 2017, me urdhër të mamasë së tij, Marjeta Karaj, për një borxh prej 1 mln lekësh. Në një vëzhgim të bërë në profilin e tij në Facebook, Besmiri shihet që shpesh ka publikuar foto nga Kisha e Laçit, e ndërsa mes tyre veçohet edhe fotoja që ka postuar me Faik Stojnën. Ky i fundit ishte burri i mamasë së tij, por njëkohësisht edhe shefi, pasi Besmiri punonte si shofer, shpërndarës mallrash në biznesin e Faikut. Marrëdhënia që kishte me burrin e mamasë ishte mjaft e mirë e kjo mund të vërtetohet edhe me komentet që kanë shkëmbyer me njëri-tjetrin.
“Me shefin”, shkruan Besmiri, në foton krah Faikut. Ky i fundit i përgjigjet “nuk jam shefi yt, por miku më i mirë deri në infinit (pafundësi”.
Mirëpo kjo miqësi e tyre, duket se ka pësuar krisje, pasi ka qenë vetë Faik Stojna që me dëshminë e tij ka zbardhur të gjithë ngjarjen. Faik Stojna e ka njohur Marjetën kur ajo ishte sekretare në shoqatën bamirëse për fëmijët e ushatarakëve dhe viktima Menduh Kurtdeda ishte drejtuesi. Marjeta është zënë me Faikun, por për një borxh e madje e ka kërcënuar se nuk do ta jepte “do ta digjte si Menduhun”. Kjo deklaratë e marrë nga përgjimet, ka orientuar policinë që të shkojë drejt autorëve të vërtetë. Faik Stonja u “zbërthye” para hetuesve duke treguar të gjithë historinë me detaje, siç vetë Marjeta dhe Besmiri ia kishin treguar.
“Marjeta Karaj ka përfshirë djalin e Besmir Karajt i cili në bashkëpunim me një person tjetër, në maj të 2017, e kanë marrë dhe hipur Menduh Kurt-Dedën në automjetin tim Ford Focus, dhe e transportuan në Kodër Shupal. E lidhën të ndjerin me një zhinxhirë si ato që përdoren për lidhjen e qenve, dhe pasi e spërkatën me benzinë, ushtruan presion për kthim e borxhit Marjetës. Në kushtet kur Menduh Kurt-Deda ka mohuar borxhin, djali Marjetës që ioshte bashkë me shokun e tij Gazmir Ngota, i ka vënë flakën me çakmak, trupit të Menduhit. Këtë fakt e kam mësuar disa kohë më pas nga Besmir Karaj si dhe dhe mamaja e tij Marjeta Karaj”, ka rrëfyer Stojna para hetuesve.
E njëjta dëshmi si Faiku, është dhënë edhe nga Gazmir Ngota, i arrestuari tjetër dhe pas përputhjeve me provat, është bërë arrestimi i Marjeta Karajt, e ndërsa Besmir Karaj vijon në kërkim.
/s.f
