Të enjten u publikuan maskotët e Galasë së Festës së Pranverës të CMG-së për vitin 2026. Katër kuaj, të quajtur përkatësisht Qiqi, Jiji, Chichi dhe Chengcheng, tregojnë temën kryesore të galasë “Galop i pandalshëm”. Dizajni i maskotëve u frymëzua nga imazhet klasike të kuajve në periudha të ndryshme historike të Kinës. Modele resh dhe malesh të vizatuara në trupat e kuajve pasqyrojnë bukurinë e historisë dhe pamjen e epokës së re, duke shpërfaqur kuptimin e sukseseve dhe të së ardhmes së bukur.
Imazhi i kalit Qiqi vjen nga një skulpturë kali prej bronzi e dinastisë Zhou Perëndimore (1046-771 para erës sonë). Qiqi i zi është dinjitoz dhe elegant, dhe mban një qëndrim plot me gjallëri.
Jiji është një kalë fluturues dhe imazhi i tij e ka burimin nga një skulpturë bronzi e kalit në galop e dinastisë Han Lindore (25-220). Jiji me dy krahë shfaq një frymë të përparimit të pandalshëm.
Frymëzimi për Chichi vjen nga një kalë me tre krifa të mbledhura i dinastisë Tang (618-907). Chichi me bishtin e tij të lidhur shfaq frymën heroike.
Chengcheng është një kalë Przewalski. Si e vetmja specie kuajsh të egër që mbijeton sot në Tokë, kali Przewalski është një “fosil i gjallë i gjeneve biologjike” me një histori evolucionare 60-milionëvjeçare. Sot Kina ka numrin më të madh të kuajve të tillë në botë. Chengcheng me trupin e vet të fortë e të shkathët dëshmon bashkëjetesën harmonike ndërmjet njeriut dhe natyrës.
