Kryeministri Edi Rama dhe drejtoresha e AKSHI-t Mirlinda Karçanaj, kanë dalë në një konferencë për shtyp, për të sqaruar publikimin e listës së pagave të shqiptarëve.
Shefi i qeverisë e nisi fjalën e tij me një ndjesë drejtuar kryesisht sektorit privat, për ndonjë shqetësim që mund t’i jetë krijuar nga ky zhvillim.
Rama tha se kjo është një përpjekje për të krijuar destabilitet, duke drejtuar gishtin nga Partia Demokratike teksa ironizoi kuvendet e Berishës dhe Bashës.
“Kjo është një përpjekje, por jo e para, duke pasur parasysh edhe deklaratat në Kuvende dhe Anti-Kuvende. Ndaj i bëj thirrje Prokurorisë të hetojë jo vetëm inspektorët e Tatimeve që për arsye pune kanë akses në paga, por edhe ata që nga foltoret e kuvendeve të anti-kuvendeve paralajmërojnë zymtyra të tjera. Së dyti dua të sqaroj se këtu kemi të bëjmë sipas analizave paraprake, ngjan më shumë si një ndërhyrje e brëndshme dhe jo një sulm kibernetik” – tha Rama.
/a.r
