Nga Leka Bungo
Letër e Hapur ministrit të Drejtësisë, Z. Ulsi Manja!
I nderuar zoti Ministër!
Këto radhë nuk ua kam drejtuar juve, sepse ju e dini prej kohësh përmbajtjen e tyre.
Madje sipas jush kjo është një ëështje që duhej të merrte zgjidhje për punë ditësh.
Mirëpo, meqenëse kanë kaluar më shumë se tridhjetë vjet dhe Agjensia e Kkthimit dhe Kompensimit të Pronave nuk sheh asnjë arsye të zbatojë ligjin, ndoshta sepse varet nga Ministria që kontrollon zbatueshmërinë e tij, e pashë të udhës t’ia bëj me dije publikut se në vendin tonë ka institucione që nuk i bën syri tërr as atëherë kur shkelin ligjn.
Shumë vite me parë kam hedhur në gjyq Agjensinë e trajtimit të pronave për kompensimin financiar që i takon sipas ligjit familjes sime.
Është fituar Gjyqi i Shkallës së parë. Është fituar edhe gjyqi i Apelit, vendimet e të cilit janë të detyrueshme për tu ekzekutuar.
Mirëpo Agjensia e Trajtimit të Pronave, e cila varet nga Ministria e Drejtësisë, nuk kishte asnjë arsye të trembej nga gjykata dhe të zbatonte Ligjin.
Kësisoj ishim të detyruar ta ëonim Ëështjen në Gjykatën e Lartë.
Derisa të bëhej gjyqi në Gjykatën e Lartë kishte kohë të vdisnin edhe tre trashëgimtarë të tjerë që prisnin prej vitesh të merrnin ato dy lek.
Më në fund erdhi dita dhe beteja u fitua edhe në Gjykatën e Lartë.
Ata që u gëzuan ishin shume pak, sese ndërkohë shumica e trashëgimtarëve kishin kaluar në Shish Tufinë, këta të gjorët nuk kishin asnjë arsye të gëzoheshin, në Shish Tufinë të vdekurit jetonin gratis, fatura e tyre i shkonte Zotit dhe nuk kishin nevojë për paratë e Agjencisë së Trajtimit të pronave.
Mirëpo edhe gëzimi i tyre që kishin mbetur gjallë gjersa fituan betejën në Gjykaten e lartë, u shua shpejt.
Me vendimin e Gjykatës së Lartë në dorë, ata vrapuan për të marrë paratë tek Agjencia e trajtimit të pronave.
Por nuk qe e thënë …
Në vend të parave atje morën përgjigjen e mëposhtme.
——
Për derisa keni fituar në Gjykatën e Lartë, ëështja e juaj është zgjidhur njëherë e përgjithmonë.
Madje nuk është nevoja të paguani as ryshfet sië ka ndodhur ndonjëherë në të kaluarën.
E vetmja gjë që kërkohet nga juve në këto momente është të bëni edhe pakëz durim.
Ju duhet të na mirëkuptoni se jemi të detyruar të respektojmë radhën e punëve.
Tani për tani emergjente është zgjidhja e problemeve me legalizimet.
Me fjalë të tjera, ata që kanë zaptuar pronat e të tjerëve dhe kanë bërë ndërtime pa leje, duhet të paisen me dokument pronësie sa më parë të jetë e mundur.
Në qoftë se nuk pajisen me dokument pronësie ata, konsiderohen hajdutë dhe me një numër kaq të madh hajdutësh nuk mund të hymë kurrë në Europë.
Kësisoj duke i shnëdrruar hajdutët në pronarë, numri i tyre pakësohet ndjeshem.
Në fund të fundit, detyra jonë është t’i zgjidhim ëështjet me radhë sipas ligjit; në fillim pronarët dhe pastaj juve ish-pronarët.
