Përgjimet e reja të publikuara së fundmi mes ish-oficerëve të korruptuar dhe trafikantëve, vunë në pah skemën e të parëve, të cilët kërkonin nga bandat që të paguheshin me drogë e jo me para për “shërbimet” e tyre.
Mbi këtë çështje, gazetari investigativ Artan Hoxha ka shpjeguar dhe arsyet se përse oficerët e korruptuar kërkonin “copën e tyre të tortës” si drogë e jo para. I ftuar në emisionin Opinion Hoxha tha se shumë nga maganizat ku kohët e fundit janë zbuluar dhjetëra ton kanabis, në fakt janë të ndara thuajse gjysëm për gjysëm në lëndë narkotike, mes vetë trafikantëve dhe oficerëve të korruptuar.
“Ka 2 pagesa për policët e korruptuar. E para ishte për rrënjë që paguhej që në fillim, pra po themi 50 euro për rrënjë, por ti mund të preferoje të mos e merrje po rrënjë, por të merrje prodhimin në fund.
Kur i thotë ai më ka dhënë 80 kg ia ka lënë policia. Problemi që kishin trafikantët tanë në 2017 vjet që e shisnin ishte se duhet të bënin 3 rrugë 1 ishte për policinë. Tani pse policia nuk I merrte për rrënjë por preferonte ato gjërat që thotë ai. Sepse nga një bimë kanabis prodhohen nga 300 gr në 1 kg. P
ra 1 kg kur shitet në Itali i shkon çmimi në mbi 1000 euro. Ai nuk paguan gjë për transportin se paguan tjetërkush. Janë disa magazine të mëdha që u kapën dhe unë duhet ti kujtoj këtu magazinat ku u kapë 12 ton. Aty ka qenë gjysmë për gjysmë. Gjysma ishte e dy grupeve kriminale dhe gjysma tjetër dyshohej të ishte e policisë,” tha Hoxha./a.m.
