Bllokimi i rrugëve nga ana e opozitës ka sjellë edhe përplasjen e parë mes policisë dhe qytetarëve. Dhe incidenti vjen në protestën ku është i pranishëm deputeti i PD Flamur Noka, ish-ministër i Brendshëm
Policia nuk ka lejuar protestuesit të drejtuar nga deputetit i PD-së Flamur Noka që të bllokojnë rrugën në Milot, çka ka sjellë edhe reagimin e tyre.
Kanë qenë protestuesit të cilët i janë turrur më fjalë policisë, duke i thënë hajde na arrestoni në darkë, duke pasur parasysh edhe arrestimet që u bën në Kukës, pas protestës së në rrugën e Kombit ditën shtunë.
Lidhur me këtë incident, ka reaguar edhe deputeti i PD-së Flamur Noka, i cili e ka cilësuar këtë si provokim nga ana e policisë.
“Ia kam komunikuar policisë. Ky është provokim që bën policia, Edi Rama ka uzurpuar shtetin” tha Noka.
Megjithatë, pas disa momentesh është qetësuar situata, por rruga vazhdon të jetë e bllokuar./a.m.
