Dorjan Teliti, një nga figurat e Partisë Demokratike, gjatë një interviste në emisionin “Real Story”, komentoi garën e ardhshme për Bashkinë e Tiranës, duke theksuar se e vetmja rrugë për përballjen me mazhorancën është bashkimi i forcave opozitare.
“Loja politike në Tiranë është e hapur. Ne do të hyjmë në një betejë – pse jo për ta fituar. Duhet një kandidat që ka besimin e të gjitha forcave opozitare, nga ai që ka pesë vota deri tek ne që kemi 500 apo 600 mijë vota,” u shpreh Teliti.
Ai theksoi se bashkimi i faktorit opozitar është detyra kryesore e momentit. Teliti shtoi se Partia Demokratike ka potencialisht dhjetëra emra të denjë për kandidaturë. Sipas tij, çdo person që ka mbajtur poste të rëndësishme në bashkinë e Tiranës apo në politikë duhet të jetë i gatshëm të marrë përsipër këtë sfidë.
“Loja politike e Tiarën është e hapur, Ne do hyjmë në një betejë pse jo për ta fituar. Një kandidat që gëzon besim e të gjithë forcave opozita, që nga ai që ka pesë vota deri te ne që kemi 500-60 mijë vota. Çdo faktori opozitar. Sot opozita ka vetëm një shans : të bashkojë faktorin opozita. Kjo do kohën e vet, përzgjedhja e kandidatit do kohën e vet, Dëshira ime është, që kandidati të kishe dalë që dje. Është kohë e vlefshme, që kandidati të jetë sa më i mirë i mundshëm me ato mundësi që kemi ne, PD potencialisht me dhjetar emra. Për mua, çdokush që ka qenë apo është deputet i këtyre 34 viteve, çdokush ë ka qenë apo është nënkryetar i bashkisë së Tiranës, kush ka qenë apo është i zgjedhur këshilltar bashkiak, duhet të jetë i gatshëm për ta marrë përsipër sfidën në rast se trupa politike vendosë që t’ia varë në qafë x apo y, në bazë të sondazheve që dalin për pëlqyeshmërinë. Më duhet produkti politik”, tha ai.
Më tej, Teliti tha se në politikë duhet produkti, pavarësisht rezervave që dalin për emra të caktuar.
“Më duhet produkti politik, një kandidat që përzgjidhet në bazë të sondazheve dhe pëlqyeshmërisë në publik. Duhet të jetë më i miri i mundshëm me mundësitë që kemi,” përfundoi Teliti.
