Nga Musa Kurtulaj
Zgjedhja e K/Prokurorit të SPAK, Klodian Braho u bë sot me disa kandidatura alternative, të cilat paten mundësinë të komunikonin platformat e tyre. Në fund me votim të fshehtë rezultoi fitues Klodian Braho ! Normale, dhe askush nuk mund të ankohet se nuk e zbatuan me korrektësi procedurat !
Ndërkohë zgjedhja e Drejtorit të Byrosë Kombëtare të Hetimit (FBI-s shqiptare) jo më larg se 3 ditë më parë, Joni Keta, ishte krejt e kundërta e zgjedhjes së K/Prokurorit të SPAK ! Ndonëse ka pasur më parë disa kandidatura për këtë post, faktikisht prezantuan vetëm emrin Joni Keta dhe me ngritje të duarve u konsiderua i zgjedhur !
Por çuditërisht kjo procedurë nuk i bëri përshtypje as kuj, as SPAK-ut, as GJKKO-së, as qeverisjes së prokurorisë, as asaj të drejtësisë, as Ministrisë së Drejtësisë dhe as medias, që e përcolli këtë si një lajm të rëndomtë, ndërkohë ë Drejtori i BKH-së, për nga rëndësia mund të konsiderohet pas kreut të SPAK-ut ! Pse ky nevlehtësim kaq flagrant ?!
