Kryeministri Edi Rama bëri një propozim surprizë për emërimin e ish-shefit të SHISH Visho Ajazi Lika, Ambasador në NATO. Ky propozim duket se surprizoi dhe gjeti të papërgatitur presidentin Ilir Meta por edhe opozitën e cila emëroi ish-kreun e SHISH në atë post kur ishte në pushtet.
Po ashtu dihen edhe raportet e mira të Metës me Visho Ajazin, por tashmë që propozimi vjen nga Rama duket se gjërat nuk janë më si më parë. Kujtojmë se Meta i kishte dhënë mbështetje Visho Ajazit për të qëndruar në krye të SHISH, por tashmë po vonon firmosjen e dekretit për ambasador.
Po ashtu Meta ende nuk ka firmosuar dekretin për emërimin e Helidon Bendos në krye të SHISH, edhe ky propozim i Ramës.
I pyetur lidhur me këta emra, Meta dha këtë përgjigje nga panairi i librit:
“Nuk kanë lidhje me librin dhe as me leximin dhe as me këtë panair. Libri, autorët, krijuesit dhe shtëpitë botuese ndeshen me vështirësi të jashtëzakonshme. Të botosh libra është mision dhe jo një sipërmarrje, prandaj meritojnë më shumë vëmendjen dhe lehtësi. Dhe meqë kemi në prag të mbledhjes së dy qeverive, kishte edhe shtëpi botuese nga Kosova”./a.m.
