Nëse e sheh me një arsye politike në funksion të së ardhmes së afërt, Reforma në Drejtësi është, në radhë të parë, kërcënim ndaj Metës dhe Berishës. E vetmja rrugë e tyre, ishte destabilizimi i Shqipërisë. Të dy ù hodhën në sulm me ngulm të dukshëm. Por dështuan. Pse?
Dy janë arsyet kryesore:
1. Shqiptarët nuk i përkrahën broçkullat e Saliut për një ” Revolucion Demokratik” në Shqiperi;
2. Vuçiç nuk i ndihmoi, se është bashkuar me politikën aktuale të Merkel- it. Domethënë Beogradi nuk i përkrahu këtë herë, si në të gjitha herët e tjera në destabilizimin e Shqipërisë.
Shqiptarët nuk kishin si të hynin në një qorrsokak të ri për Saliun dhe Metën. Kjo ù dallua që në entuziazmin e “revolucionarêve” që ù mblodhën disa herë në Bulevardin Dëshmorët e Kombit në Tiranë.
Gjithsesi, kjo mund të ishte e pamjaftueshme, por, këtë herë, këta “revolucionare” duket se nuk i përkrahu as Beogradi, i cili e ka pasur metode destabilizimin në Shqipëri, mbështetjen otomane në Shqipëri.
Dhe nuk kishte si të ndodhte ndryshe, sepse, kryeministri Vuçiç, duket që ndjek politikën e Angela Merkel -it në Gjermani. Që vjet, kur delegacioni ekonomik gjerman i nivelit të lartë inicioi bashkëpunimi serbo-gjerman, kahja e politikës serbe ndryshoi. Shkëmbimet tegtare serbo-gjermane shkuan vjet ne 6 miliarde Euro.
Politika gjermane nuk mund ta lejonte një destabilizim Berisha të Shqipërisë. Madje, Merkel e dërgoi edhe Ramen në Beograd, edhe pse ky foli përralla apolitike atje. Por s’ka rendesi, Saliu dhe Meta mbeten pa “revolucion “, si pasojë e shqiptarëve dhe politikës gjermane.
Po Rama, ku është?
Shihet se është në pritje të Reformës në Drejtësi. Por, a është i aftë që ta drejtojë politikisht këtë Reformë? … Unë kam dyshim. Ajo është reformë që hedh një rrjete apolitike, dhe antikriminale. Gjithsesi, Rames i dha mbështetje partikolare Xhon Kerri në emër të politikës amerikane, kur ky ishte në Tiranë. Por…
