Kryeministri Edi Rama ka thumbuar gjatë seancës kryetarin e grupit parlamentar të PD, Edmond Spaho.
Rama i është drejtuar Spahos që të dëgjojë fjalimin e deputetit të ri, Klevis Balliu, djali i botuesit Fahri Balliu, dhe jo të shohë atë.
“Mirë unë po ti, pse nuk dëgjon djalin e Fahriut, po më sheh mua?“, i është drejtuar Rama Spahos. I menjëhershëm ka qenë reagimi i Klevis Balliut i cili ka kërkuar replikë me Ramën.
Ai i ka kërkuar Ramës që të dalë në debat me babain e tij botues, por kreu i qeverisë i është përgjigjur përmes batutës: “Thuaji babit të na ulë me Presidentin…”, duke provokuar edhe faktin tjetër, atë të raporteve miqësore mes Fahri Balliut dhe Presidentit Ilir Meta.
Replikat dhe batutat në seancë:
Rama-Spahos: Mirë unë po ti, pse nuk dëgjon djalin e Fahriut, po më sheh mua?
Klevis Balliu: Do bëj replikë…
Rama: Ç’a replike do bësh?!
Balliu: Babi im ka 27 vjet që ju kërkon në debat e ju nuk dilni. Dilni e përballuni me të. Ju hyj unë mik po deshët.
Rama: Unë të thashë thuaji babit të na ulë me Presidentin…
Balliu-Ruçit: Zbato rregulloren. Dua replikë. Mu përmend emri. Familja. Babi. Kemi 27 vjet që ju dëgjojmë. /shqiptarja.com/b.d
