Në një takim me gazetarët në kryesinë e Kuvendit, Gramoz Ruçi u përgjigj për ndryshimet e reja në qeveri.
I pyetur përse Partia Socialiste është më pak e përfaqësuar në kabinetin e Ramës, Ruçi tha se ka ikur koha e partisë-shtet.
“Sistemi që lamë pas, ishte sistemi i partisë shtet. Sot jemi në një sistem të partive në pushtet.
Por kjo nuk do të thotë që në qeveri duhet të jenë anëtarët e forumeve. çdo parti që vjen në pushtet, nuk vjen me votat e anëtarëve të saj. Sepse partitë kanë rreth 100 mijë anëtarë.
Moto jonë ka qenë bashkëqeverisja me qytetarët kështuqë është brenda filozofisë së fushatës elektorale” – tha Gramoz Ruçi në takimin e së premtes.
/a.rada
