Më 19 mars 2016 u zhvillua Kongresi i Partisë Socialiste. Rreth 1200 delegatë morën pjesë në punimet e tij, të zgjedhur nga baza e partisë, përmes votimit të zhvilluar gjatë muajve shkurt-mars 2016. Duke përfituar nga prania e delegatëve dhe axhenda organizative dhe politike e Kongresit socialist, Instituti i Studimeve Politike kreu midis delegatëve të majtë, një pyetësor të strukturuar sipas çështjeve të identitetit politik, angazhimit, si dhe këndvështrimit ndaj çështjeve me rëndësi politike e publike.
Sondazhi u realizua me pyetësorë të shkurtër (8 pyetje), të standardizuar dhe anonim, me popullatë delegatët e PS. Kampionimi i përdorur është ai zgjedhjes sistematike, i zbatuar sipas një hapi të përcaktuar çdo 5 delegatë, në hyrjen e institucionit. Në pyetësor u përfshinë rreth 20% e numrit total të delegatëve me mandat. Gatishmëria e tyre për përgjigje është shenjë e mirë dhe tregues e një niveli më demokratik brenda partive tona politike, për më tepër, kur pjesë e sondazhit nuk ishin vetëm anëtarë të thjeshtë të degëve lokale, por edhe figura drejtuese politike, përfshirë tre ministra dhe disa deputetë e kryetarë bashkie. Në fund të këtij raporti jepen të dhëna të detajuara të përkatësisë gjinore dhe moshave të personave të pyetur dhe të përfshirë në sondazh.
Gjetjet kryesore te sondazhit te ISP ne Kongresin e PS 19-03-2016
