Me batuta banale e ka nisur mbledhjen e sotme në Komisionin e TIMS, Ervin Salianji, i cili i është drejtuar nënkryetarit Toni Gogut duke i thënë se kur foli për Gjykatën Kushtetuese, foli si në “dhimbjet e lindjes”.
Salianji: Sikur ishe në dhimbjet e lindjes po flisje, sesa në lidhje me ligjet e komisioneve
Gogu: Në respekt të grave, dhe nënës tënde, që uroj mos t’i kenë shkuar kot dhimbjet e lindjes
Salianji: Kam respekt për femrat, por kur pjellin burrat eshte problem…
Këto batuta kanë sjellë edhe reagimin e deputeteve socialiste të cilat u shprehën se gjuha e Ervin Salianjit është fyese, por ky i fundit nuk është dorëzuar.
“Kjo është njësoj sikur ju të permendni topin dhe futbollin edhe të ofendohemi ne burrat” – tha Salianji.
Pas kësaj situate komisioni ka marrë disa minuta pushim.
Përplasje mes Gogut dhe Salianjit pati edhe per vendimin e Gjykates Kushtetuese.
“Ju me vendimin e Gjykatës Kushtetuese në duar si puna e atij arbitërit që se pa penalltinë e gjermanve në kampionat dhe do të ishte njësoj sikur ai ti lexonte trupës së gjyqtarëve të tjerë se si jepen penalltit. Edhe ju se keni lexuar fare vendimin, ju nuk respektoni rregulloren e kuvendit sepse ka një trup të përcaktuar qartë që shqyrton vendimin e GJK. Nëse ligji do ishte në kundërshtim me kushtetutën do të ishte shfuqëzuar”, tha Gogu.
Nga ana tjetër, Salianji tha se është shkelur kushtetuta.
/a.r
