Gratë shtatzëna mund të rrisin inteligjencën e foshnjave të tyre duke ngrënë më shumë fruta, thuhet sipas një studimi të ri.
Hulumtuesit në Universitetin e Albertës zbuluan se ngrënia e përditshme e frutave nga gratë shtatzëna ndikon që aftësitë njohëse të foshnjave të tyre të rriten një vit pas lindjes.
Sipas ekspertëve, peshku është i vetmi tjetër ushqim që është i lidhur me një inteligjencë të përmirësuar në foshnje, transmeton Gazeta Express.
Acidet yndyrore të omega-3 të gjetura në peshk njihen se janë të mira për tru. Shkencëtarët ishin të interesuar të zbulonin nëse frutat në mënyrë të ngjashme ndihmojnë zhvillimin e trurit dhe aftësive të tij.
Ata gjetën se ngrënia e frutave përmirëson dukshëm inteligjencën e foshnjave dhe se gratë shtatzëna duhet të hanë më shumë fruta gjatë shtatzënisë./a.m.
