Nëse për pak caste i jepet vëmendje jetës që bëhet sot, nuk ka asnjë mundësi të mos e kuptojmë përse stresi dhe problemet emocionale e mendore janë bërë probleme të shëndetit publik në nivel bote.Vrasje, dhunë, terror, urrejtje e shume gjera te tjera, janë gjërat që brenda një dite i dëgjojmë më së shumti.
Edhe pse nuk ka ndonjë makinë që ndalon ose ndihmon në përballimin e stresit, disa njerëz e përballojnë atë më lehtë dhe janë më elastik ndaj këtij problemi, përcjell lajmi.net
Por pse? Një grup psikologësh kanë kryer një hulumtim në lidhje me përballimin e stresit duke marrë 30 persona të shëndosh të cilëve i’u shfaqën imazhe të ndryshme të dhunës, imazhe të dhimbshme dhe u analizuan reagimet e tyre.
Personat të cilët kishin neurofleksibilitet dhe neuroelasticitet më të madh, ishin më të prirur që stresin ta përballonin shumë më lehtë, duke pirë ose duke kaluar kohë me miqët e tyre.
Ndryshe nga personat tjerë të cilët e përjetonin më thellë dhe kishin probleme për të marrë vetën, pasi kishin përjetuar stres për një kohë.
Autorët janë shprehur të gëzuar për gjetjen e rezultateve dhe thonë se hulumtimet tjera janë mjaft të rëndësishme për të gjetur si të rritet fleksibiliteti dhe elasticiteti si dy ndihma të mëdha në përballimin e stresit, citohet Express. (b.an)