Pse alienët nuk duan që të vijnë në Tokë?
Me dekada të tëra jemi duke u munduar që të kontaktojmë me krijesa të tjera inteligjente, jashtë Tokës, por kjo nuk është duke na shkuar për dore. Mos ndoshta alienët me qëllim nuk duan të vijnë te ne?
Nëse alienët janë në një shkallë më të lartë të zhvillimit sesa ne, atëherë ekziston mundësia që ata, përkundër mundësisë që mund ta kenë, nuk duan që të na kontaktojnë. Ne kemi përpiluar një listë me shkaqet më të mundshme për një gjë të tillë.
Gjuha
Ne njerëzit flasim gjuhë të ndryshme dhe, përkundër asaj se shumica prej nesh mundohemi të flasim anglisht, këtë e bëjmë me mangësi të mëdha. Paramendoni sikur ju të ishit alien dhe t’ju duhej që të bisedonit me njerëzit. Kjo do të ishte e vështirë, apo jo? Përpos kësaj, ne bisedojmë me aludime dhe metafora. Ne rrejmë, i bishtnojmë të së vërtetës dhe mundoheni t’ua bëjmë qejfin të gjithëve.
Ende konsiderohemi specie primitive
Sipas disa parametrave, mund të thuhet se ne jemi në fillim të civilizimit të mirëfilltë, apo thënë ndryshe jemi një specie primitive. Sipas shkencëtarit Dr. Michio Kaku, ne nuk mund të konsiderohemi as civilizim i tipit 1. Paramendoni, valët audio dhe video që i transmetojmë në gjithësi. Çka mund të mendojnë për ne alienët nëse shohin emisione të tilla, si “Kardashians”, p.sh? Pra, përpos nëse duan ta ndërmarrin një mision për të na shpëtuar nga vetvetja, nuk ka ndonjë arsye tjetër pse ndonjë racë e përparuar alienësh do të donte ta vizitonte Tokën.
Jemi një planet i dhunshëm
Për ndonjë vëzhgues neutral, ne, si planet, mund të dukemi shumë planet i dhunshëm. Sa e sa luftëra kemi bërë deri më tani? Përpos kësaj, ne nuk jemi duke bërë asgjë për t’i fshehur tendencat tona të dhunshme nga pjesa tjetër e galaktikës tonë. A do të shkonit ju në ndonjë planet ku tanimë ka pasur edhe sulme me armë bërthamore (Hiroshima, Nagasaki)? Me gjasë, jo!
Planeti ynë mund të jetë i dëmshëm për alienët
Pakti se ambienti në Tokë është i përshtatshëm për ne, si dhe për krijesat e tjera të gjalla, nuk dmth se ai është i tillë edhe për alienët. Ekzistojnë dallime të mëdha, kështu që krijesat e tjera, të lindura në ata planetë, mund të kenë nevoja të ndryshme jetësore. Pra, disa alienë thjesht mund të mos jenë të përshtatshëm për të mbijetuar në Tokë.
Nuk mund të vijnë te ne
Pa marrë parasysh sa të përparuar që mund të jenë alienët, ekziston mundësia që ata të gjenden tepër larg nga ne, sa që ende nuk kanë mundësi të vijnë këtu. Nuk është e thënë që ne të jemi raca më e prapambetur në univers. Ka mundësi që të ketë edhe alienë që, p.sh., mund të jenë në fazën e bronzit, apo të gurit, të zhvillimit.
Kemi metoda të kufizuara të komunikimit
Me vite të tëra jemi munduar që të kontaktojmë me krijesat në planetët e tjerë. Por, edhe SETI (Search for Extraterrestrial Intelligence – kërkimi për qenie inteligjente, jashtëtokësore) ende është duke e përdorë metodën e njëjtë të komunikimit, të cilën e ka përdorë me dekada të tëra – radio valët. Çka nëse alienët nuk përdorin metoda aq primitive të komunikimit dhe, thjesht, nuk mund të na dëgjojnë? Shkencëtarët duhet që të përkujdesen që, në tentim që të kontaktojmë me alienët, t’i përdorim të gjitha metodat e mundshme të komunikimit.
