EKSKLUZIVE JAVANEWS/ Anëtari i komisionit të Sigurisë Kombëtare, deputeti i PS-së Arben Çuko, i konsideron si mjaft dyshese pretendimet e Presidentit të Republikës Bujar Nishani se “jeta e tij private po përgjohet”. Në një deklarim për Javanews, Çukos i konsideron pretendimet dhe aludimet që bën Presidenti në adresë të mazhorancës se e ka vendosur nën përgjim si të pathemelta. “Presidentin vetëm po e përgjoi kreu i SHISH, Visho Ajazi. Presidenti Nishani e ka njeriun e vet zotin Ajazi ndaj nuk e di se çfarë kërkon dhe pse bën këto lloj aludimesh. Ai duhet ta qartësojë nëse e ka me ne apo me Vishon”, shprehet Çuko, duke marrë shkas dhe nga hezitimi i Presidentit për të bërë kallzim pranë Prokurorit të Përgjithshëm “për përgjim të paligjshëm”, nëse vërtetë ekzistojnë prova në këtë drejtim.
Sipas tij, nuk janë të rastësishme edhe daljet në intervista të Peresidentit Nishani, një ditë pasi ai takohet me ish-kryeministrin, Berisha. “Kështu ndodhi edhe para intervistës që dha dy ditë më parë”, nënvizon Çuko. Anëtari i komisionit të Sigurisë Kombëtare i komenton këto qëndrime të kreut të shtetit për çështjen e përgjimeve, por dhe opinionet e tjera që ai shpreh në sulmet seriale ndaj mazhorancës, si “pjesë e dëshpërimit të plotë të opozitës”, e cila mesa duket, sipas tij, “ka vendosur të hedhë në betejën e saj politike të gjithë ushtarët që ka në dispozicion, fut këtu edhe Presidentin”.
Dy ditë më parë kreu i Shtetit, Bujar Nishani gjatë një interviste në emisionin “Opinion” se po përgjohet jeta e tij private nëpërmjet instrumentave shtetërorë. “Kanë angazhuar institucione shtetërore për të hetuar jetën private të Presidentit të Republikës. Jeta ime private është qelibar. Unë e kthej kokën pas me shumë krenari. Të gjithë këta individë janë përfshirë në këtë çështje kanë bërë një gabim fatal. Ka dëshmi, ka prova dhe drejtësia herët a vonë do të veprojë”, deklaroi Pesidenti Nishani. Kreu i shtetit u shpreh se, “nuk do të desha që kryeministri të ishte i përfshirë në këtë akt.” /M. A/
