Kongresi i Partisë Socialiste ka miratuar sot statutin e ri të partisë. Ndërsa mocioni i dërguar nga 8 socialistët nuk është marrë parasysh.
Në sesionin e dytë u lexua kërkesa për mocion nga 8 socialistëtm mes tyre Arta Dade, Maqo Lakrori etj.
Sipas Arben Pëllumbit, kërkesa e 8 anëtarëve të Partisë Socialiste nuk ishte dorëzuar sipas rregullave.
Në sesionin e dytë u miratuan ndryshimet teknike në statutin e PS.
U vendos krijimi i Librit të Rregullave që përmbledh rregulloret e organeve të partisë, kodin e zgjedhjeve, kodin e etikës, çdo udhëzim për funksionimin e institucioneve të PS.
U fut në statut koncepti i bashkëdrejtimit burrë-grua që më parë ishte si udhëzim nga kryesia e PS.
Vendoset kontrolli i integritetit dhe figurës, bazuar në legjislacion. U sanksionua se kush nuk reflekton të vërtetën, kush nuk tregohet i sinqerte për aktivitetin e tij, merr përsipër sanksionet jo vetëm në aspektin e përgjegjësisë ndaj ligjit, por edhe me përjashtimin nga partia.
g.kosovari
.
