Partia Socioaliste ka reaguar pas deklaratës së kreut të LIBRA-s Ben Blushi i cili shprehu gadishmërinë për të votuar pro rrëzimit të qeverisë “Rama” në rast mocioni. PS ironizon Blushin, të cilin e quan kreun e një partie që lufton vetem për të bërë kryetarin e saj ministër.
Deklarata e PS:
Partia Socialiste e Tiranes shpreh kenaqesine qe deputeti opozitar Ben Blushi vendosi te marre pjese ne zgjedhjet e 18 qershorit.
Fale zgjedhjeve te 18 qershorit, shqiptaret do te kuptojne sa vota do te marre Partia Socialiste qe lufton per shtet, punesim dhe mireqenie per Shqiperine qe duam dhe sa vota do te marre nje parti qe lufton vetem per te bere kryetarin e saj minister.
Partia Socialiste eshte krenare per ate cka kemi arritur gjate ketij mandati, per te bere shtet dhe luftuar per drejtesi, duke mbledhur taksat, luftuar informalitetin, rritur rrogat e pensionet dhe duke luftuar vendosmerisht per te cliruar drejtesine nga gjykatesit e prokuroret e korruptuar.
Kemi ende shume per te bere, sidomos per te luftuar per vende te reja pune, njesoj sic luftojme per reformen ne drejtesi.
Nen drejtimin e Kryeministrit Edi Rama ne do te luftojme per Shqiperine qe duam!
