Kryeministri Edi Rama ka qenë sot në Peshkopi, ku zhvilloi një tjetër miting elektoral në kuadër të fushatës për 11 majin. Para se të merrte fjalën në vendin e quajtur “Fusha e Gjoricës” në Dibër, artistët Altin Sulku dhe Noizy performuan disa këngë, duke përfshirë edhe himnin e fushatës socialiste.
Në një moment, Rama, Noizy, Blendi Klosi dhe Altin Sulku u ulën në mënyrë relaksuese, duke qëndruar me këmbëkryq, ndërkohë që Altin Sulku interpretoi këngën e njohur të Hajredin Pashës.
Më herët gjatë ditës, kryeministri ishte gjithashtu në Burrel, ku u prit nga drejtuesi politik i PS-së për Dibrën, Blendi Klosi, për të vazhduar angazhimin e tij në këtë fushatë.
