I ftuar në FaxNews nga gazetarja Rovena Neziri ka qenë ish-deputeti Halit Valteri. I pyetur nga gazetarja mbi menyrën e organizimit të fushatës nga PS-ja, jo vetëm në çeljen e saj po dhe më pas. Valteri thotë se kjo është një fushatë model, e larguar nga mënyra tradicionale me flamuj dhe tubime. Sipas tij, kjo mënyrë është për të thënë që kandidatët e PS-së duke qenë dhe kryetarë aktualë, duhet të dalin me qyetarët dhe të flasin drejtëpërdrejtë me ta, duke parë kështu nëse puna e tyre është vlerësuar ose jo.
Mazhoranca për ish-deputetin, është shumë e fortë në garën e këtyre zgjedhjeve, aq më tepër duke patur përball një opozitë të përçarë, shton Valteri. Ka qenë viti 2019, tregon ai, një kohë që i dha një goditje shumë të fortë opozitës me djegien e mandateve.
Gazetarja: Kemi parë nga PS një nisje fushate krejt të pazakontë, ju si e patë, e kujt ishte ideja, si pritet të organizohet?
Halit Valteri: Për herë të parë pas 32 vitesh tranzicion si politikë si të bërit fushata, PS ka zgjedhur t’i largohet mënyrës tradicionale, me flamurë, tubime, do të bëjë një fushatë elektorale model duke iu drejtuar drejtëpërdrejtë qytetarëve, ku dhe fondin e marrë nga KQZ ia dhuron çdo qyteti me pemë dhe lule për ta zbukuruar atë qytet.
Gazetarja: Pra, nuk do të ketë takime të mëdha, është paralajmëruar, por pse kjo zgjedhje?
Halit Valteri: E para duhet të bëjmë një analizë, pas 4 vitesh menaxhim të 60 bashkive të vendit, PS del me një program me disa kandidatë, që shumica kanë qenë ata që e kanë qeverisur vendin. Del dhe u thotë, që nëse puna e tyre është bërë si duhet, do vlerësohet nga qytetarët dhe e kundërta nëse nuk e kanë bërë punën si duhet. Qeveria Rama, flasim për një mazhorancë të fortë përball një opozitë të rrënuar me figura të vjetra që nuk do ta sjellin kurrë në pushtet.
Gazetarja: Dua të ndalemi dhe për pak te organizimi i fushatës. Po thoni që është 2019 që e ka çuar PS-në në këtë pikë?
Halit Valteri: 2019 i dha një goditje shumë të fortë opozits dhe mënyra si i la qytetarët në baltë. Të bëjmë një paralelizëm, nuk mund të themi që sot lëmë shtëpinë dhe të kthehemi pas 4 vitesh aty ku e lamë, ndërkohë që jetuaka vazhduar. Po marr konkretisht Tiranën, për 4 vjet opozita e braktisi atë dhe demokratët. Ideja është që strategjia që ka përdorur PD, është e tillë ku qyetetarët nuk mund të presin kur të zgjohet Luli, apo Berisha me Metën./m.j
