Partia Socialiste ka mbyllur fushatën elektorale në Parkun Olimpik të kryeqytetit, teksa rivalët e saj kishin zgjedhur Bulevardin e Ri.
Para mijëra mbështetësve, socialistët prezantuan kandidatët e tyre teksa nuk premtuan edhe projeksionet për mandatet. Kryeministri Edi Rama deklaroi se në rang kombëtar PS pritet të marrë 78 mandate minimalisht ndërsa në Tiranë plot 20. Dhe duke u ndalur te Tirana, Rama nuk harroi të përmendë edhe Erion Veliajn.
“Është njësoj si ta shohësh krahët drejtësisë të brejtura nga minjtë e kënetës, njësoj si t’ia presësh këtij shteti këmbët dhe ta rrokullisësh kovë pusi teposhtë.
Po Tiranën e lënduar nga ngjarja e fundit, e harrova vallë që nuk e rendita në listën e qarqeve me mandatet e tyre. Nuk e harrova natyrisht, po pse e lashë jashtë listës së mësipërme ndërkohë që brenda nesh debati lidhur me sondazhet, lidhur me të dhënat nga terreni është s enë tiranë do marrim 1 ose dy plus, duke shkuar nga 18 në 20.
Nuk e harrova por e lashë veç, sepse Tirana ha bukë veç, është jo vetëm kryeqytet dhe qarku më i madh, po është edhe krenaria jonë me madhe, jo si qytetarë, por si shpëtimtarët e saj, i kemi dhënë këtij qyteti të mbytur në llumi i kënetës, sharmin e pamohueshëm të Europës”, tha Rama.
Ndërkohë Sali Berisha ka vijuar me premtimet e tij për rritjen e pagave dhe pensioneve. Një premtim Berisha e pati edhe për ish-pronarët.
“Vendimi, i miratuar këtë të premte parashikon shfuqizimin e të gjitha masave administrative të pa ekzekutuara që janë vendosur gjatë periudhës 1 janar 2015 deri më 30 nëntor 2024.
Votoni më 11 maj për mirëqenien tuaj sepse programi ynë në 100 ditët e para do të pesëfishojë subvencionin për çdo fidan të mbjellë për çdo kokë bagëti të mbarështuar. Mblidhuni të gjithë dhe votoni ndryshimin, është voto për suksesin tuaj.
Një mesazh kam për ish-pronarët dhe të përndjekurit politikë duke iu kërkuar edhe ndjesë për gabimet që kjo parti ka bërë në të sjhkuarën me ligje të caktuara. Ju jap fjalën e nderit se detyrimi që shoqëria shqiptare ka ndaj tyre, Sali Berisha e konsideron borxhin e nderit të tij, i cili do të shlyhet brenda një mandati. Do të anulojmë të gjitha ligjet e sotme të Edi Ramës që grabit të gjitha pronat si në 1946”, tha Berisha.
Socialistët, demokratët dhe 9 subjekte të tjera politike pritet të përballen në garën e ditës së diel, në 11 Maj.
