Kabineti i ri që pritet të formohet do të ketë në përbërje 6 ministrat teknikë të propozuar nga opozita. Njëri prej tyre që do të lërë postin i përket LSI-së ndërsa 5 të tjerët janë emra të Partisë Socialiste.
Kësisoj LSI do të mbetete me 4 ministra në qeveri. Ata janë Klajda Gjosha, Sokol Dervishaj, Lefter Koka dhe Edmond Panariti.
Ndërkohë, Partia Socialiste dhe ajo Demokratike barazojnë postet ministrore. Krahas 6 emrave që do t’i propozojë Lulzim Basha, PS-së i mbeten vetëm Mimi Kodheli, Ditmir Bushati, Milva Ekonomi, Eglantina Gjermeni, Mirela Kumbaro dhe Damian Gjiknuri.
Në kabinet, PS i mbeten edhe 3 ministra Shteti, por që nuk drejtojnë dikastere të mirëfillta. Kështu, kabineti i ri do të ndahet me skemën 6-6-4 mes PS, PD dhe LSI. Edhe zv.kryeministri do t’i jepet opozitës por palët nuk kanë qenë të qarta nëse bëhet fjalë për dorëzimin e postit të Niko Peleshit apo krijimin e një zv.Kryeministri të ri. /javanews/b.d
