Partia Socialiste ka depozituar sot kërkesën për t’u regjistruar në zgjedhjet parlamentare që do të mbahen më 11 Maj.
Në kërkesën e firmosur nga kryesocialisti Edi Rama shoqërohet edhe deklarata solemne e partive pjesëmarrëse në zgjedhje se subjektet që do marrin pjesë do të refuzojnë të marrin pjesë në praktikat e blerjes së votës, marrjes së financimeve apo përfitimeve të kundërligjshme, veçanërisht nga ato që vijnë nga aktivitete kriminale.
Kërkesën për t’u regjistruar në këto zgjedhje e ka paraqitur edhe Partia Demokratike si dhe 15 parti politike.
25 Shkurti shënon edhe afatin për regjistrimin e subjekteve politike, ndërsa në 7 Mars ajo për koalicionet. Afati për depozitimin e listave të kandidatëve është 12 Marsi.
