Partia Sociaiste ka reaguar për prezantimin e kandidatit të Partisë Demokratike në qarkun e Vlorës Genc Deromemaj. Në një dalje për mediat deputeti i PS Ervin Bushati i ka kujtuar kreut të PD Lulzim Basha se në 4 vite të mandatit nuk ka bërë asgjë për Tiranën.
Sipas Bushatit, Basha është një frikacak i cili nuk pati guximin që të rikandidojë për bashkinë e kryeqytetit, duke treguar edhe një herë dështmiet me premtimet e pamabajtura.
“Lulzim Basha prezantoi sot një tjetër kandidat të PD dhe siç e ka zakon bëri të tjera premtime. Sepse Luli vetëm këtë di të bëjë. Di të premtojë, por nuk di të mbajë premtimet. Në katër vjet Lulzim Basha nuk bëri asgjë për Tiranën. Nuk mbajti asnjë premtin, nuk bëri asnjë punë, por sot bredh nëpër Shqipëri duke premtuar zhvillim, punësim e investime lart e poshtë Shqipërisë. Lulzim Basha flet për përballje të opozitës me qeverinë në 21 qershor. Flet për përballje njeriu që nuk ka guxim as të përballet me qytetarët e Kryeqytetit për bilancin e punës së tij. Përpara se të bredhë lart e poshtë Lulzim Basha duhet të gjejë sadopak kurajo e të dalë të përballet me kryeqytetasit: le t’u tregojë atyre se ç’bëri për gjelbërimin, parqet, këndet sportive, kartën studentore, nënkalimet, mbikalimet, parkimet, tramvajin e njëmijë e një çudirat e tjera. Nuk do t’i merrte shumë kohë. Duhen veç pak sekonda për të pasqyruar se çfarë ka bërë Luli për Tiranën në katër vjet: Asgjë! Përpara se të bredhë lart e poshtë duke u prishur punë kandidatëve të Partisë Demokratike me praninë e tij, Lulzim Basha duhet të dalë sot e t’u tregojë qytetarëve të Tiranës e të mbarë Shqipërisë përse i iku si frikacak garës së Tiranës. Përse nuk pati guximin të rikandidojë për një mandat të dytë, por i bëri bisht si ndonjë frikacak përballjes me dështimet e përgjegjësitë e tij si Kryetar. I bëri bisht ndëshkimit të pashmangshëm me votë nga qytetarët e Tiranës. Lulzim Basha e di edhe vetë se ka dështuar. Pas 21 qershorit, kur Tirana do të ketë sërish një kryetar bashkie që do t’i hapur rrugë mirëadministrimit, mirëqeverisjes, zhvillimit dhe normalitetit që kaq shumë ka munguar në këto 4 vjet, Lulzim Basha do ta kuptojë fare qartë edhe sesa rëndë ka dështuar.” tha Ervin Bushati
Redaksia Online
(Javanews.al)
