Partia Socialiste vlerëson se arrestimi i Sajmir Tahirit po kërkohet vetëm përmes lajmeve që kanë dalë në portale.
Deklaratën e bëri sot në mbledhjen e Këshillit të Rregullores, Ulsi Manja, kreu i Komisionit të Ligjeve.
Manja: në kërkesë keni thënë që kemi tri procedime, në dy të parat këto i keni të regjistruar emrin e Tahirit nën hetim për këto vepra që përmendi?
Prokuroja: Emri i tij është regjistruar më 17.10.2017.
Manja: Pra emrin e Tahirit e regjistruar më 17.10.2017 me materialin e dalë në gazeta dhe portale kjo është fare e thjeshtë, skam tjetër gjë.
Alibeaj: Ju mund ta nisni po sot dhe po sot kërkoni autorizim për cdo deputet, për të sqaruar opinionin publik, kam një pyetje të thjeshtë, ju thatë nisëm procedim penal, thatë edhe që në 2016 ka procedime penale, me po të njëjtët aktorë, fabul, kultivim dhe trafikim droge. Ka lidhje logjike shkak-pasoja, apo përputhje të fakteve dhe kronologjisë kohore të procedimeve të 2016 dhe ato të tanishme?
Prokurori: Duke qenë se aktiviteti kishte shtrirje që në 2013, ku Italia ka regjistruar cështje penale, e vijon në 2016, ne kemi nisur procedim penal, mbi këto të dhëna, na rezulton se që nga 2013-deri sot këta persona kanë aktivitet të vazhdueshëm kriminal në trafik dhe kultivim droge.
Cuci: Po përsërisim ç’a është thënë në media, nëpër gazeta dhe për fat të keq edhe nga prokuroria çfarë po thuhet, lidhja e Tahirit me dy trafikantët ordinerë nuk doli, prokurori tha vetëm që Tahiri ka qenë në Greqi edhe kjo me më duket, pa cituar asnjë provë, e jo më të ta i citonte që ka prova. Është e qartë që nuk jemi në kushtet e flagrancës, se kemi përcaktim tjetër ligjor se si shkon. Ju kërkoni nga Kuvendi të drejtën për arrestin me burg për Tahirin, apo doni që pasi Kuvendi pasi të bindet se Tahiri është i implikuar në trafik të bëni arrestin menjëherë.
Prokurori: Kemi kërkuar qartë, e kemi bërë në kërkesë këtë.
Cuci: Nuk jemi në kushtet e flagrancës se ju mund ta arrestonit Tahirin, këtu jemi në kushtet e kërkesës që e merr vetëm gjykatë, pra nëse merrni autorizimin e Kuvendit dhe do shkoni në Gjykatë, apo jo.
Prokurori: Kur ta marrin do ju vëmë në dijeni.
Halimi: Gjyqi që po i bëni prokurorisë nuk është i mirë, nuk e ndihmoni Tahirin dhe e dëmtoni, po i bëni gjyqin prokurorit. Keni ndonjë ngut ju për të marrë këtë vendim që prisni, ka ngutje, se mos ju prishen provat, ne e shtymë 24 orë, prish punë nëse e bëjmë pas një jave?
Prokurori: Ne sqaruam pozicionin tonë duke ju bërë të njohur kërkesën dhe bazën ligjore. Prokuroria ushtron ndjekjen penale dhe kur konstaton se ka dyshime bazuar në prova duhet të veprojë në moment
Halimi: Ka rrezik që të prishë provat?
Prokurori: Ka qenë ish ministër, në hetim janë policë që janë në detyrë, si rezultat i lidhjeve ekziston rreziku i prishjes së provave apo dëmtimi i tyre.
Halimi: Keni zyrtarisht kërkesën për gjykim të gjykatëses italiane, të gjykatës së Katanias për bandën e Habilajve?
Prokurori: Po, e kemi.
Halimi: Bazoheni në këtë kërkesë nga materiali nga gjykatësja italiane, apo te faqet e shtypit shqiptar.
Prokurori: Kërkesës për autorizim i bashkëngjitet materiali i ardhur nga autoritetet italiane direkt.
a.ç
