Drejtuesi politik i Partisë Socialistë në Qarkun e Beratit Blendi Klosi, deklaroi se 25 qershori është dita kur Partisë Socialiste ti rikthehen mandatet e vjedhura, në 2009 dhe 2013.
Ai tha se në 2013-ën mandati u vodh nga LSI duke u thënë “se jemi koalicion”.
Klosi kërkoi nga qytetarët e Beratit një pjesmarrje të madhe në votime cka do bëjë të mundur marrjen e mandatit të pestë dhe qeverijsen e vetme të PS dhe Edi Ramës si kryeministër.
“Ne kemi detyrën e vetme që ti rikthejmë lavdinë Partisë Socialiste dhe lavdia të cilat janë pesë mandate të Partise Socialiste. Pesë mandate që qytetarët e Beratit e dinë shumë mirë, mandate i pestë i vjedhur në 2009 nga Sali Berisha, mandati i pestë i vjedhur në 2013 duke theënë se jemi në koalicion. Të bindur se na duhej një bashkëejetesë e mundimshme vetëm për të bërë reforma të mëdha ne toleruam. Por tani ne nuk duam asgjë më shumë asgjë më pak, vetëm atë që na takon. Berati nuk fal, Berati ta kthen reston. Unë jam shumë i sigurt se Berati do ja kthejë reston dhe Partisë Demokratike për mandatin e vjedhur në 2009 dhe hiles së madhe të LSI-së në 2013. Berati do ja rikthejë mandatin e pestë, Partisë Socialiste. Çdo grupin shoqëror sot mbeshtet Edi Ramën. Çdo grupim shoqëror në Berat sot mbështet Partinë Socialiste. Ne duhet ti tregojmë të gjithëve se nëse njerëzit bëhen bashkë, qytetaria bëhet bashkë, fermerët bëhen bashkë, njerzit e thjeshtë bëhen bashke atëhere asgjë nuk do ndalë dhe verdikti do të jetë PESË mandate për Partinë Socialiste. E vetmja kërkesë që kemi është që ne të dalim në votime sepse unë kam bindjen dhe rikthesoj se nëse një person del nga shpia dhe shkon në qëndrën e votimit që është 200 metra larg nuk mund të bëj gjithë këtë mund për të votuar Petrit Vasilin kryeministër. A ka njeri në këtë qytet që beson se Petrit Vasili mund të jetë forca e parë dhe kryeministër? E pamë forcën e pare, ne kishim gra katër herë më shumë se forca e parë. Nuk ka asnjë qytetar në Berat që mos ta kuptojë se Lulëzim Basha nuk ka asnjë shans, po asnjë shans të jetë kryeministër i Shqipërisë. Ne e dimë që Edi Rama është kryeministri jonë ,prandaj duhet të dalim të gjithë në votime ti japim cdo votë Edi Ramës , ti japim cdo votë Partisë Socialiste, ti japim cdo votë të ardhmes së Beratit. Për Beratin që duam!! Ju faleminderit”.
Kandidati për deputet në këtë Qark, Eugen Kallfani deklaroi se ishin votat e beratasve që votuan për drejtuesit aktualë të LSI në pushtetin vendor, dhe ajo që morrën si përgjigje ishte zevendësimi nga puna me njerëz të kësaj partie.
Deputeti aktual i PS në Berat, Gent Bejko deklaroi se akuzat e ardhura nga LSI, janë mungesë argumenti.
/a.m.
